आई लव यू टू ले मुस्कान ल हावे बड़ उम्मीद
छत्तीसगढ़ी सिनेमा में मुस्कुराहट बिखेरथे मुस्कान साहू …
रायपुर — छालीवुड के जाने-माने अभिनेत्री मुस्कान साहू जब ले होश संभालीस तब ले वो ह फिल्मी चकाचौंध ,कलाकार मन संग बैठे उठेला लग गे। धीरे-धीरे छोटे छोटे रोल करत मुस्कान वो मुकाम तक पहुंच गे जब ओला सर्वश्रेष्ठ अभिनेत्री के अवार्ड मिलिस, फिल्म बी ए फर्स्ट ईयर बर ।छत्तीसगढ़िया सबले बढ़िया ले छालीवुड में कदम रखे के बाद मुस्कान हा मितान 420, माया देदे मायारू ,तोर मया मा का जादू है, तरी हरी नाना, गोलमाल अउ आज के अर्जुन जैसे फिल्म में काम करिस । 2011 में जब मुस्कान ला सर्वश्रेष्ठ अभिनेत्री का पुरस्कार मिलिस ओखर बाद मुस्कान दर्शक मन के दिल में अपन जगह बना लिस ।
सुंदरानी फिल्म्स के बैनर तले बनीस फिल्म आई लव यू ह हिट रीहीस हे ।एमा मुस्कान के एक्टिंग खूब पसंद करेगीस। इही प्रोडक्शन के फिल्म आई लव यू टू घलो प्रदर्शन बर तैयार है, मुस्कान ल ये फिल्म ले बड़ उम्मीद है एखर अलावा बेनाम बादशाह भी अवैय्या फिल्म हवे ।
13 साल के उम्र में एक्टिंग कर मुस्कान आज अतना दक्ष हो गए हे की एक्टिंग म ओखर कोई मुकाबला नहीं है। अपन मुस्कुराहट ले मुस्कान ल छालीवुड म जाने और पहचाने जाथे ।
